![](https://blogger.googleusercontent.com/img/b/R29vZ2xl/AVvXsEjob2knJA25CABYmL9UrUYU6RQGBHBzTfP4eX0qNTv2uMLa5-BgnJ59jCpfQzBe0nDOPNuHHctBrHrbqhK_vicK8VVNx6zwn7ZdL06E8q-3q8AY2RNw8Cu0aKoSoIoCdaoErUKpif8sCc0/s320/Cute-baby-crying-cute-baby-crying-1280x800.jpg)
**An orphan boy.. how he feels when he see a mother and a child, together.. what questions he asks from himself.. and how does life answers his questions as he grow up.. here it goes**
meri maa kaisi thi?
ek masoom si awaz mein,
us nanhi si jaan ne pucha.
sawaal ki lehar thi choti,
par jigyasa ka ufaan tha unchaa,
kya wo mere hi jaisi thi?
aj jo dekha ek nazara,
kehte hue suna ' bilkul mere jaisa, ek hi to laadla hai hamara'..
kuch chamak si thi maa ki aankhon mein,
aur pehli baar pyar dekha kisi ki baaton mein..
mein to anjaan tha,
kya karu.. naadan tha..
to is pari ko maa kehte hain...
gar wo bachha jo uski baahon mein tha, use maa na kehta,
to aj ye sawal mere zehen mein na hota,
meri maa kaisi thi?
jabse ankhon mein jaan ayi aur soch paya,
apne ko is duniya mein tanha hi paya..
par apno mein nahi to dusro mein hi khush hua mein,
maa ke aanchal ko mehsus hi kar jee liya mein..
aj jab kuch ban paya hu,
to sochta hu,
mere paas maa jo hoti,
meri khushiyon ko dekh kitna khush hoti..
bachpan mein jisne chalna sikhaya,
aj usko thaam ke sath jo chalta..
bachpan ki baaton ka zikr jo chidta,
use hasata,hasta, girta aur sambhalta..
par jabse dekha hai is duniya mein,
log itne bade ho jate hain..
apni hi maa ko chodkar,
kahi dur chale jaate hain..
zara socho.. jo apni hi neend bhulakar,
tumko sulati rahi..
par tumne ek na suni uski,
jab wo tumko bulati rahi..
har sapne ko uske tumne tod diya,
jab duniya ka sabse pyara rishta tumne tod diya..
Sochta hu, is pyare se rishte ka dil dukhakar kahan jaoge,
meri hi tarah janm loge, aur maa ko bas shabdon mein hi paaoge..
kya hota hai maa na hone ka ehsaas,
jaan jaoge.. jab maa nahi hogi tumhaare paas..!
"I am lucky to have my mother..if God has granted you with this lovely gift..then love your mother.. keep making her feel that you still care for her and you will always be there for her support" God bless!